ఉప్మా (ఉపమా) నాలు

నవ్వేజనా సుఖినోభవంతు -5 

-----------------------------------

ఉప్మా (ఉపమా) నాలు 

కాంత కనుగుడ్లు  

కుంకుడుకాయ్ గింజలేగా 

నాతి నాసిక 

నారింజకాయ్ కాడేగా 

పడతి పెదవులు 

పంపరపనాస తొక్కలేగా 

ముదిత కరములు 

ములక్కాయ కాడలేగా 

జవ్వని జడ 

పొడవాటి బర్రె తోకేగా 

మొత్తంగా ఆమె ఒక 

కదిలే సిమెంట్ దిమ్మేగా 

లలన మెచ్చగ ఇదిగో తెచ్చితిని 

దురదగుంట పువ్వును...

ఆకుతగలక అందుకొని 

సిగను తురిమి ఆమె నవ్వును...

అతివ అందం చూసిన 

మనసు కుప్పి గంతులేసేగా ! 

ఏవిటో ప్రతి కవితలో

ప్రాస కోసం ప్రయాసేగా !

ఇంక చాల్లెండి ! ఆపేస్తా !

(బాబోయ్... ఉపమా కాళిదాసః అనడం మానేసి... ఉప్మా పద్మిని... అంటారేమో అని నాకు సిగ్గేస్తోంది బాబూ !)