మౌనాన్ని తిందాం రా !
-------------------------
- భావరాజు పద్మిని
ఎన్నాళ్ళని ఈ పులిహోరలు, పాకుండలు తింటాం ?
ఎన్నేళ్ళని ఈ పిజ్జాలు, పాప్కార్న్ లు తింటాం ?
ఎన్ని రోజులని ఫేస్బుక్ లో, వాట్స్ ఆప్ లో చాటుతాం?
ఎన్ని డబ్బులని మొబైల్ బిల్లుకు కడతాం, నువ్వే చెప్పు?
అందుకే ప్రియా...
ఇద్దరం కాస్త మౌనాన్ని తిందాం రా !
గుటుక్కున నిశ్శబ్దాన్ని మింగుదాం రా !
పుటుక్కున శూన్యాన్ని తాగుదాం రా !
లటుక్కున దైన్యాన్ని తరుముదాం రా !
ఘబుక్కున దూరాన్ని పిండి ఆరేద్దాం రా !
రిన్ సబ్బుతో ప్రేమనుతికి తెల్లగా మెరిపిద్దాం రా!
కూలింగ్ గ్లాస్సెస్ తో కళ్ళు నెత్తికెక్కి,
డబ్బుతో జబ్బుచేసిన ఈ పాడులోకంలో
స్వచ్ భారత్ లా స్వచ్చమైనవి ఇవే ప్రియా...
చీపురుతో గుండె గూటిని ఊడుద్దాం రా !
చాటతో ప్రేమ తాట తీసి, ఎత్తేద్దాం రా !
No comments:
Post a Comment